युनिकोड
दशवर्षको अवधिमा चीनले ‘न्युक्लिएर वारहेड’ दोब्बर बनाउने पेन्टागनको प्रतिवेदनमा जनाइएको अल्जाजिराले उल्लेख गरेको छ। ‘वारहेडः वारहेड विस्फोटक वा विषाक्त सामग्री हो जुन एक मिसाइल, रकेट, वा टारपीडोद्वारा प्रहार गरिन्छ। यो बमको एक प्रकार हो।’
हालचीनसँग ३ सय २० वटा वारहेड भएको बताइएको छ भने अमेरिकासँग ६ हजार वारहेड छन्।
चीनले जमीन, हावा र समुन्द्रमा आक्रमण गर्नसक्ने शक्तिशाली आणविक हतियार बनाइरहेको पनि पेन्टागनले जनाएको छ।
प्रतिवेदनका अनुसार सन् २०१९ को अक्टोबरमा चीनले एच–६ एन बम्बर सार्वजनिक गरेको थियो। यो हवाई आक्रमणका लागि शक्तिशाली आणविक हतियार भएको बताइएको छ।
सन् २०१९ को तथ्यांकअनुसार चीनले १७४ बिलियन अमेरिकी डलर रक्षाबजेटको रुपमा छुट्याएको थियो। अमेरिकाले सोहीवर्ष ६८५ बिलियन डलर रक्षाबजेटको रुपमा छुट्याएको थियो जुन चीनको भन्दा धेरै बढी हो।
अमेरिकाभन्दा चीन अझैपनि परमाणु हतियारको मामिलामा पछाडि रहेको विश्लेषकहरु बताउँछन्।
अमेरिका र चीनबीच पछिल्लो समय विभिन्न विषयमा विवाद बढिरहेको छ। यसबीचमा चीनले परमाणु अस्त्रलाई दोब्बर बनाउने विषय सार्वजनिक भएको हो।
प्रतिक्रिया