युनिकोड
पछिल्लो राजनीतिक अवस्था र सांगठनिक संरचनाबारेमा छलफल गर्न नेकपा माओवादी केन्द्रले स्थायी समितिको बैठक बोलाएको छ।
भोलि मंगलबार पार्टीको संसदीय दलको कार्यालय सिंहदरबारमा बिहान ८ बजे बस्ने बैठक आह्वान गरिएको स्थायी समिति सदस्य लिलामणि पोखरेलले बताए।
‘बैठक बोलाइएको छ, एजेन्डा अहिले खुलाइएको छैन,’ पोखरेलले नेपालखबरसँग भने।
भोलि (मंगलबार) संसद बैठक बस्दैछ। बैठक बस्नुअघि माओवादी केन्द्रको स्थायी समिति बैठक बस्न लागेको हो।
प्रधानमन्त्री केपी शर्मा ओलीलाई दिएको समर्थन कायमै राखेको माओवादी केन्द्रले सरकारमा रहेका मन्त्रीहरुलाई फिर्ता हुनको लागि यसअघि नै अल्टिमेटम दिइसकेको छ।
यस्तै माओवादी छोडेर एमालेतिर लागेकाहरुलाई स्पष्टीकरण पनि सोधेको थियो। तर, अहिलेसम्म कोही पनि एमालेबाट फर्किएका छैनन्।
माओवादी केन्द्रले प्रधानमन्त्री केपी शर्मा ओलीले नैतिकताका आधारमा राजीनामा नदिएको भन्दै उनको राजीनामा माग गर्दै आएको छ।
ओली सरकारविरुद्ध अविश्वासको प्रस्ताव ल्याउन कांग्रेस तयार भए पनि जनता समाजवादी पार्टी (जसपा) मा दुई धार देखिएकोले रोकिएको छ।
प्रतिक्रिया