नेकपा एमालेका अध्यक्ष एवं प्रधानमन्त्री केपी शर्मा ओलीका प्रेस सल्लाहकार सूर्य थापाले अहिले माधवकुमार नेपाल र भीम रावललाई गरिएको निलम्बन पहिले नेकपामा छँदा आफूहरूलाई गरिएको कारबाहीजस्तो स्पष्टीकरण नै नसोधी नगरिएको टिप्पणी गरेका छन्।
अध्यक्ष ओलीले नेताहरू नेपाल र रावललाई पार्टी सदस्यताबाट ६/६ महिना निलम्बन गरेको दिन सोमबार साँझ सामाजिक सञ्जालमार्फत थापाले उनीहरूलाई विधि र प्रक्रियाबमोजिम कारबाही गरिएको दाबी गरेका हुन्।
‘नेकपा (एमाले) को साधारण सदस्यताबाट ६ महिनाका लागि निलम्बन गरिएको छ– १. माधवकुमार नेपाल २. भीम रावल, पिएचडी,’ एमाले केन्द्रीय सदस्य थापाले लेखेका छन्, ‘स्पष्टीकरण सोधी विधि, पद्धति र प्रक्रिया पूरा गरेर यो कार्य गरिएको छ। जब कि प्रचण्ड–नेपालले स्पष्टीकरण नै नसोधी कंगारू कोर्टले जस्तै हामीलाई कथित निलम्बन गरेका थिए।’
प्रतिक्रिया