नेकपा एमालेमा वरिष्ठ नेता माधवकुमार नेपाल पक्षका नेता विष्णु रिजालले नेपाली कांग्रेस र नेकपा माओवादी केन्द्रले प्रधानमन्त्री केपी शर्मा ओलीको राजीनामा मागेको देख्दा उदेक लागेको टिप्पणी गरेका छन्।
माओवादी केन्द्रलाई सरकारलाई आफैंले दिएको समर्थन फिर्ता लिन र कांग्रेसलाई संविधानअनुसार अविश्वास प्रस्ताव दर्ता गर्न कसले रोक्यो भनेर उनले प्रश्न गरेका छन्।
‘कांग्रेस र सरकारलाई समर्थन गरिरहेको माओवादी केन्द्र दुवैले प्रधानमन्त्री केपी ओलीको राजीनामा मागेको सुन्दा उदेक लाग्छ,’ नेता रिजालले बिहीबार सामाजिक सञ्जालमार्फत प्रश्न गरेका छन्, ‘नबुझेको कुरा : आफैंले दिएको समर्थन फिर्ता लिन र संविधानले व्यवस्था गरेअनुसार अविश्वास प्रस्ताव ल्याउन उनीहरूलाई सरकारले रोकेको छ र?’
प्रतिक्रिया