तर भारत यतिबेला विश्वमै कोरोनाबाट सबैभन्दा बढी प्रभावित राष्ट्र हो। किनभने यहाँको दैनिक संक्रमित र मृत्युदर सबैभन्दा उच्च छ।
यहाँ दैनिक ३ लाखभन्दा बढीको दरले कोरोना संक्रमित थपिँदा दैनिक २ हजार बढीको भाइरस संक्रमणका कारण ज्यान गइरहेको छ।
भारतमा आइतबार लगातार चौथो दिन ३ लाखभन्दा बढी व्यक्तिमा संक्रमण पुष्टि भएको हो। यस्तो आजसम्म विश्वका कुनै देशमा भएको थिएन।
भारतको स्वास्थ्य तथा परिवार कल्याण मन्त्रालयका अनुसार पछिल्लो २४ घण्टामा ३ लाख ४९ हजार ६ सय ९१ जनामा कोरोना संक्रमण पुष्टि भएको छ। यस्तै यस अवधिमा २ हजार ७ सय ६० संक्रमितको मृत्यु भएको छ।
पछिल्लो ३ दिनमा मात्र भारतमा कोरोना संक्रमणका कारण ७ हजार ५ सय जनाको मृत्यु भएको भारतीय सञ्चारमाध्यमले जनाएका छन्।
अमेरिका र पाकिस्तानद्वारा सहयोगको वाचा
— Secretary Antony Blinken (@SecBlinken) April 25, 2021Our hearts go out to the Indian people in the midst of the horrific COVID-19 outbreak. We are working closely with our partners in the Indian government, and we will rapidly deploy additional support to the people of India and India's health care heroes.
भारत कोरोनाबाट सबैभन्दा बढी प्रभावित भएपछि अमेरिका र पाकिस्तानले तत्काल सहयोग गर्ने वाचा गरेका छन्।
अमेरिकी विदेशमन्त्री एन्टोनी ब्लिंकेनले ट्विटरमा भनेका छन्,‘हामी कोरोनाविरुद्ध हाम्रो साझेदार राष्ट्र भारतसँग मिलेर काम गर्न लागेका छौं। हामी भारतका स्वास्थ्यकर्मीको मद्दतको लागि अतिरिक्त समर्थन चाँडो पठाउँछौं।’
अमेरिकाले भारतको सहजताको लागि भारतमाथि लगाएको निर्यात प्रतिबन्ध पनि हटाउने बताएको छ।
यस्तै पाकिस्तानका विदेशमन्त्री शाह मोहम्मद कुरेसीले पाकिस्तानले भारतलाई भेन्टिलेटर, एक्सरे मेसिन, पीपीइ र अन्य आवश्यक सामग्री प्रस्ताव गरिसकेको बताएका छन्।
As a gesture of solidarity with the people of India in the wake of the current wave of #COVID19, Pakistan has officially offered relief & support to #India, including ventilators, Bi PAP, digital X ray machines, PPEs & other related items. We believe in a policy of #HumanityFirst
— Shah Mahmood Qureshi (@SMQureshiPTI) April 24, 2021
प्रतिक्रिया