मोरङको पथरीमा घाँस काट्ने क्रममा महिला छर्रा लागि घाइते

मोरङको पथरी शनिश्चरे नगरपालिकामा रहेको जाँते र पथरी सीमा पर्ने जंगलमा घाँस काट्न गएकी एक महिला घाइते अवस्थामा भेटिएको प्रहरीले जनाएको छ।

प्रहरीका अनुसार घाँस काट्न गएकी सोही स्थानकी ५० वर्षीया तिल कुमारी योगीको छातीमा छर्रा लागेको छ। उनलाई तत्काल उपचारको लागि पथरी अस्पताल लगिएको थियो। सामान्य उपचारपछि उनलाई श्रीमान् तिल कुमार योगीले विराटनगरस्थित नोबेल अस्पताल लगेका छन्। उनी बोल्न सक्ने अवस्थामा रहेको प्रहरीले जनाएको छ।

उक्त घटनास्थल इलाका प्रहरी कार्यालय पथरीबाट १२ किमि टाढा छ। अहिले घटनास्थलमा इप्रकाबाट प्रनाउको कमान्डमा प्रहरी टोली गएको छ।