नवलपरासीका एक युवकको हत्यामा संलग्न भएको आरोपमा प्रहरीले चितवन र सिरहाका दुई युवकलाई पक्राउ गरेको छ।
देवचुली नगरपालिका- ३ स्थायी घर भई चितवको भरतपुर नगरपालिका- ३ बाह्रघरेमा डेरा गरी बस्दै आएका २० वर्षीय रचन श्रेष्ठको हत्या आरोपमा प्रहरीले चितवन र सिराहाका दुई युवकलाई पक्राउ परेको हो।
पक्राउ पर्नेमा चितवन भरतपुर महानगरपालिका-४ का २५ वर्षीय विनय गौतम र सिराहाको धनगढीमाई नगरपालिका-१ का २१ वर्षीय योगेन्द्र साह रहेका प्रहरीले जनाएको छ।
केही दिनअघि रचन धादिङको ताल्ती जंगलमा मृत फेला परेका थिए। उनका बाबु तिलक श्रेष्ठले दिएको किटानी जाहेरीका आधारमा धादिङ प्रहरीले गौतम र साहलाई पक्राउ गरेको हो।
गौतमलाई धादिङको गजुरी गाउँपालिका-२ बाट र शाहलाई सिरहास्थित उनकै घरबाट पक्राउ गरिएको धादिङका प्रहरी प्रमुख एसपी गौतम मिश्रले जानकारी दिए।
उनीहरुविरूद्ध कर्तव्य ज्यान मुद्दामा जिल्ला अदालत धादिङबाट ९ दिनको म्याद थप गरी अनुसन्धान सुरु गरिएको प्रहरीले जनाएको छ। हत्याको कारण भने खुलेको छैन।
Shares
प्रतिक्रिया