युनिकोड
दसैँ मनाउन गाउँ गएकाहरू फर्कन थालेसँगै शुक्रबारबाट काठमाडौंमा चहलपहल बाक्लो देखिन थालेको छ। दसैँ मनाउन घटस्थापनादेखि नै सहर छाडेकाहरू विस्तारै फर्कन थालेका हुन्।
यो सँगै काठमाडौं उपत्यकामा सवारी साधन पनि बाक्लो संख्यामा देखिन थालेका छन्। केही दिनदेखि सुनसानजस्तै देखिएको काठमाडौंका सडकहरूमा शुक्रबारबाट भने बाक्लो संख्यामा सवारी साधन गुड्न थालेका हुन्।
काठमाडौंको कलंकी, थानकोट, भक्तपुरका नाकामा बिहीबार देखि नै सवारीको लामो लाइन छ।
गाउँबाट फर्किएकाहरू सडकमा सामान र बालबालिकासहित उभिएका देखिन्छन्।
दसैं मनाएर कर्मथलो फर्किने संख्या बढेसँगै काठमाडौंका सडकमा सवारी चाप देखिन थालेको छ। हेरौं केही तस्बिर:
प्रतिक्रिया