नेपाल दूरसञ्चार प्राधिकरणले सरकारले गरेको निर्णय अनुसार तत्काल सामाजिक सञ्जाल टिकटक बन्द नगर्ने इन्टरनेट सेवा प्रदायक कम्पनीलाई कारबाही हुने चेतावनी दिएको छ।
सोमबार बसेको मन्त्रिपरिषद् बैठकले नेपालमा टिकटक बन्द गर्ने निर्णय गरेको थियो। सो निर्णयपछि केही इन्टरनेट सेवा प्रदायकले टिकटक बन्द नगरेको बुझिएको उल्लेख गर्दै प्राधिकरणले दूरसंचार एने, २०५३ को दफा ४७ बमोजिम कारबाही हुने जनाएको हो।
इन्टरनेट सेवा प्रदायक र मोबाइल सेवा प्रदायकलाई निर्देशन दिइसके पनि केही सेवा प्रदायकको नेटवर्कबाट टिकटकमा अझै चलिरहेको भन्दै तत्काल बन्द गर्न निर्देशन दिएको हो।
‘...सामाजिक सञ्जालको रुपमा प्रयोग भइरहेको टिकटकका माध्यमबाट सामाजिक सदभाव एवम् सामाजिक वातावरणमा नकारात्मक असर परिरहेकोले नेपालमा टिकटकको प्रयोगमा तत्काल रोक लगाउनेू निर्णय भए बमोजिम उक्त निर्णय कार्यान्वयनको लागि दूरसंचार ऐन, २०५३ को दफा १५ ले दिएको अधिकार प्रयोग गरी सम्बन्धित सबै इन्टरनेट सेवा प्रदायकहरु र मोवाइल सेवा प्रदायकहरुलाई प्राधिकरणबाट निर्देशन दिईसकेकोमा केही सेवा प्रदायकको नेटवर्कबाट टिकटकमा पहुँच पुगिरहेको र टिकटक प्रयोग भइरहेको भन्ने बुझिन आएकोले तत्काल प्राधिकरणको निर्देशन कार्यान्वयन गरी जानकारी गराउन सम्बन्धित सबै सेवा प्रदायकहरुलाई अनुरोध गरिएको छ,’ प्राधिकरणले जारी गरेको विज्ञप्तिमा भनिएको छ।
टिकटक बन्द गर्ने सरकारको निर्णयपछि सामाजिक सञ्जालमा यसका पक्ष र विपक्षमा कर्त वितर्क भइरहेका छन्।
‘प्राधिकरणको निर्देशन/आदेशको पालना गर्नु सेवा प्रदायकको कर्तव्य हुने र सेवा प्रदायकले त्यस्तो निर्देशन/आदेशको पालना नगर्दा दूरसंचार ऐन, २०५३ को दफा ४७ बमोजिम प्राधिकरणबाट कारवाही हुन सक्ने व्यहोरा समेत सम्बन्धित सबैलाई जानकारी गराइएको छ,’ विज्ञप्तिमा अघि भनिएको छ।
सम्बन्धित सामग्री:
- नेपालमा टिकटक बन्द गराउने सरकारको निर्णय
- नेपालमा टिकटक आजैबाट बन्द हुने हो?
- टिकटक बन्द गर्ने निर्णयको विरोध सुरु, के भन्छन् कानुनविद्?
- टिकटक बन्द गर्ने सरकारको निर्णयप्रति गगन थापाको आपत्ति, कदम सच्याउन माग
- टिकटक बन्द गर्ने निर्णयमा विश्वप्रकाशको प्रश्न– पिलो आयो भने गर्धनै काट्ने?
- रवि लामिछानेको प्रश्न– टिकटक बन्द गर्ने नेताहरू भ्रष्ट होलान्, पार्टी नै बन्द गरिदिने?
- टिकटक बन्द गर्ने निर्णयमा राप्रपाको विरोध, प्रवक्ता भन्छन्– अधिनायकवादको नयाँ अध्याय
- टिकटक बन्द गराउने निर्णय उचित भएन, ध्यान देऊ : एमाले महासचिव पोखरेल
- टिकटक प्रतिबन्ध प्रकरणमा सत्ताधारी कांग्रेसबाट विरोध, प्रतिपक्षी एमालेको घुमाउरो समर्थन
- टिकटक बन्द गर्दा बालेन खुसी कि बेखुसी?
Shares
प्रतिक्रिया