युनिकोड
भीड नियन्त्रण गर्दा प्रहरीलाई घातक हतियार प्रयोग गर्न नदिन माग गर्दै सर्वोच्च अदालतमा रिट दायर भएको छ। वरिष्ठ अधिवक्ता दिनेश त्रिपाठीले भीड नियन्त्रणका लागि प्रयोग गर्ने मेटल बुलेट वा प्राणघातक हतियार प्रयोगमा प्रतिबन्ध लगाउन माग गर्दै बुधबार सर्वोच्च अदालतमा रिट दायर गरेका हुन्।
त्रिपाठीको रिटमा भीड नियन्त्रणका लागि अत्याधिक बल प्रयोग एवम् हिंसात्मक साधानको प्रयोगलाई बर्जित गर्न माग गरिएको छ।
भीड नियन्त्रणको तौरतरिका बारे प्रदर्शनका बेला खटिने प्रहरीहरुलाई प्रशिक्षण दिन र यसलाई अनिवार्य तालिममा समावेश गर्न माग गरेका छन्।
भीड नियन्त्रणका लागि घातक हतियार प्रयोग नगर्दा पनि मानव अधिकारका आधारभूत मापदण्डको पालना गर्न र निहत्था नागरिकमाथी घातक हतियार प्रयोग गरी ज्यान लिनेलाई ज्यानसम्बन्धि कसुरमा अभियोजन गर्न पनि त्रिपाठीले माग गरेका छन्।
यस्तै, प्रहरीले आत्मा सुरक्षाका साधनको अभावमा पनि अत्याधिक बल प्रयोग गरेको भन्दै प्हरीलाई पर्याप्त हेल्मेट, सुरक्षा ज्याकेट एवम् बुलेटफ्रुफको निरन्तर आफूर्तिको व्यवस्था गर्न पनि माग गरिएको छ।
त्रिपाठीले यो रिटको टुंगो नलागेसम्म घातक हतियार प्रयोगमा रोक लगाउन अन्तरिम आदेश पनि माग गरेका छन्। उक्त रिटको सुनवाइका लागि बिहीबारलाई पेशी तोकिएको छ।
प्रतिक्रिया