युनिकोड
दस महिनाभित्र लोक सेवा आयोगका ६ वटा लिखित परीक्षा उत्तीर्ण गरी चर्चा कमाएकी बाजुराको बूढीगंगा नगरपालिका–६ की छाया जैशीले बाँकेको नेपालगन्जस्थित राष्ट्रिय पशु प्रजनन कार्यालयमा स्थायी नियुक्ति पाउन सफल भएकी छन्।
लोक सेवा आयोग बुटवल कार्यालयको विज्ञापन नम्बर १३९०७/०७९/८० (महिला), नेपाल कृषि सेवा, ला.पो. एन्ड डे.डे. समूह, रा.प.अनं. प्रथम श्रेणी (प्राविधिक), पशु सेवा प्राविधिक पद संख्या १ का लागि लिखित परीक्षाबाट अन्तर्वार्ताका लागि छानिएका ३ जनामध्ये जैशी सबैभन्दा बढी अंक ल्याएर उत्तीर्ण सफल भएकी हुन्।
कार्यालयका अनुसार यही माघ ९ गते सञ्चालन भएको अन्तर्वार्तामा तीन उम्मेदवारमध्ये लिखित परीक्षा र अन्तर्वार्ताको प्राप्तांकको कुल योग समेतका आधारमा जैशी पहिलो नम्बरमा परेकी हुन्।
सोबमोजिम कार्यालयले सूचना जारी गरी जैशीलाई नेपालगन्जस्थित राष्ट्रिय पशु प्रजनन कार्यालयमा स्थायी नियुक्तिका लागि सिफारिस गरिएको जानकारी दिएको हो।
प्रतिक्रिया