काठमाडौंको मरुढोकामा २०५९ सालमा भएको एक हत्या घटनाका अभियुक्त हालै पक्राउ परेका छन्।
पक्राउ पर्नेमा सोलुखुम्बुको नेचा सल्यान वडा नं.४ घर भएका वर्ष ४१ को तिखे भन्ने तेज बहादुर राई रहेका छन्।
मिति २०५९ असोज १४ गते काठमाडौं महानगरपालिका–१९ मरुढोका ईनाटोलस्थित बिनोद शाहीको राँगा काट्ने बधशालाभित्र सोही स्थानमा घर भएका वर्ष २६ को संजय शाहीको हत्या भएको थियो।
उनलाई तेज बहादुरसमेतले फलामको रडले टाउको लगायत शरीरका विभिन्न भागमा प्रहार गरी हत्या पश्चात विष्णुमती खोला किनारमा फाली फरार भएका थिए।
उनलाई काठमाडौं उपत्यका अपराध अनुसन्धान कार्यालयको टोलीले चैत ५ गते कोटेश्वरबाट पक्राउ गरि आज आवश्यक कारबाहीका लागि जिल्ला अदालत काठमाडौंमा बुझाएको छ।
54
Shares
प्रतिक्रिया