साढे ६ केजी अफिमसहित युवक र युवती पक्राउ

प्रहरीले साढे ६ केजी अफिमसहित दुई जनालाई पक्राउ गरेको छ।

प्रहरीले काठमाडौँको तारकेश्वर नगरपालिका ४ स्थित शेषमती पुल नजिकैबाट साढे ६ केजी आफिमजस्तो देखिने खैरो पदार्थसहित जाजरकोट त्रिवेणी नगरपालिकाका २२ वर्षीय दिलीप विश्वकर्मा र दोलखा भीमेश्वरकी १८ वर्षीया प्रमिला राउतलाई पक्राउ गरेको हो।

महानगरीय अपराध महाशाखाको टोलीले उनीहरुकालाई शेषमती पुल नजिकै कालो झोलामा अफिम बोकेर हिँडिरहेको अवस्थामा पक्राउ गरेको हो।

उनीहरुले प्र्रतिकेजी साढे १ लाखमा ल्याउने र ८ लाखमा बेच्ने गरेको प्रहरीले जनाएको छ।

पक्राउ परेका दुवै जनामाथि थप अनुसन्धान भइरहेको प्रहरीले जनाएको छ।