युनिकोड
भारतको झारखण्ड राज्यमा एक अस्पतालले पेट दुखेको दबाइ लिन आएकी महिलालाई कण्डम दिएर पठाएको छ।
गत जुलाई २३ तारिखका दिन राँची जिल्लाकी एक महिला घाटसिला सरकारी अस्पतालमा पेट दुखेकाले उपचारका लागि गएकी थिइन्।
डाक्टर अस्रफ बादरले ती महिलाको चेक जाँच गरेका थिए। उनले ती महिलाका लागि दबाई लेखिदिएका थिए।
तर डाक्टरले लेखिदिएको दबाइको पुर्जी दिँदा फार्मेसीले आफूलाई कण्डम दिएर पठाएको ती महिलाले बताएकी हुन्।
यससँगै यस विषय गम्भीर बनेको छ। इन्डिया टुडेका अनुसार झारखण्डको संसदमा यस विषय उठेको छ।
नेता कुनार सारंगीले यस विषय जोडका साथ उठाएका छन्। उनले झारखण्डको सरकारी अस्पतालको गुणस्तर र विश्वस्नीयता घटेको बताएका छन्।
अस्पताल स्रोतले झुक्किएर गलत पुर्जी ती महिलालाई वितरण भएको हुनसक्ने बताएको छ।
प्रतिक्रिया