भक्तपुरमा गएराति भैँसी बोकेको ट्रक दुर्घटना हुँदा चालकको घटनास्थलमै मृत्यु भएको छ।
भक्तपुरको सूर्यबिनायक नगरपालिका ८ आदर्श महेश्वरी पेट्रोलपम्प नजिक ना ६ ख ३९८२ नम्बरको ट्रक दुर्घटना हुँदा चालक ३० वर्षीय कैमोदिन अन्सारीको मृत्यु भएको प्रहरी उपरीक्षक दिपक गिरीले जानकारी दिए।
वीरगञ्ज महानगरपालिका १२ घर भएका अन्सारीको शव दुर्घटनामा परेको ट्रकमा च्यापिएको अवस्थामा फेला परेको प्रहरीले जनाएको छ। दुर्घटना गए राति करिब २ बजे भएको हो।
ट्रकमा रहेका ११ वटा भैसी पनि घाइते भएका छन्। मृतक कैमोदिनको शव पोष्टमार्टमको लागि केएमसी अस्पताल दुवाकोट पठाइएको प्रहरीले जनाएको छ।
प्रतिक्रिया