२१ हजारको परीक्षण गर्दा ८ हजार २ सय ३ जनामा संक्रमण पुष्टि

गएको २४ घण्टामा नेपालमा ८ हजार २ सय ३ जनामा कोरोना भाइरसको संक्रमण पुष्टि भएको छ।

२० हजार ९७९ जनामा गरिएको परीक्षणमा सो संख्यामा संक्रमित फेला परेका स्वास्थ्य तथा जनसंख्या मन्त्रालयले जनाएको छ।

आज १९६ जनाको निधन भएको छ। यो सँगै मृतकको संख्या ५ हजार ४११ पुगेको छ।

यस्तै, ६ हजार ८९१ जना संक्रमणमुक्त भएका छन्। यो सँगै हालसम्म ३ लाख ५२ हजार ४१४ जना डिस्चार्ज भएका छन्।

नेपालमा हालसम्म ४ लाख ७२ हजार ३५४ जनामा संक्रमण पुष्टि भएको मन्त्रालयले जनाएको छ।