झापामा खेतमै पर्‍यो चट्याङ, एक जनाको मृत्यु

झापामा खेतमा काम गरिरहेको बेला परेको चट्याङ लागेर एक जनाको मृत्यु भएको छ। 

कमल गाउँपालिका २ समइगढमा आज बिहान खेतमा गएको बेला चट्याङले लाग्दा स्थानीय ४६ वर्षीय राजन खड्काको मृत्यु भएको जिल्ला प्रहरी कार्यालय झापाले जनाएको छ। 

बिहान ७ बजे चट्याङले लागेर गम्भीर घाइते भएका खड्कालाई उपचारका लागि आम्दा अस्पताल दमक लगिएको थियो। अस्पताल पुर्याउनासाथ चिकित्सकले उनलाई मृत घोषणा गरेका हुन्।