सन्दीप लामिछानेले भने– अस्वस्थ छु, चाँडै नेपाल फर्केर कानुनी लडाइँ लड्छु

नाबालिकामाथि बलात्कारको अभियोग लागेका सन्दीप लामिछानेले आफूविरुद्ध षड्यन्त्र भएको र त्यसविरुद्ध कानुनी लडाइँ लड्ने बताएका छन्।

आइतबार राति फेसबुकमा लामो स्टाटस लेख्दै उनले आफूविरुद्ध झूठा र अफवाह फैलाउने समाचार नछापिदिन पनि आग्रह गरेका छन्।

उनले आफूविरुद्धको जाहेरीबारे भदौ २२ गते थाहा पाएको र त्यो झूठो जाहेरी भएको दाबी गरेका छन्।

उनले भनेका छन्, ‘मविरुद्ध भदौ २१ गते परेको जाहेरी मैले भदौ २२ गते थाहा पाएँ। मविरुद्ध परेको झुट्टा जाहेरीको विषयमा विद्युतिय सञ्चार माध्यम र समाजिक सञ्जालमा एकलौटी तरिकाले, सत्य तथ्य नबुझी झुट्टा जाहेरी मात्रको आधारमा मेरो चरित्रमा गम्भीर आँच आउने गरी समाचारहरु आए।’