युनिकोड
विपिन खत्रीको घातक बलिङ र मुस्कान थापाको अर्धशतकमा प्रधानमन्त्री कप एक दिवसीय राष्ट्रिय क्रिकेट प्रतियोगितामा गण्डकी प्रदेशले पहिलो जित निकालेको छ।
गण्डकीले कोशीलाई १ सय ४२ रनले हराउँदा पहिलो जित निकालेको हो।
जितविहीन कोशीले प्रदेशले ६ खेलमा लगातार हार व्यहोरेको हो। गण्डकीले ४ खेलमा १ मा जित र ३ खेलमा हार भोग्दै अंक तालिकामा खाता खोलेको छ।
आइतबार भएको खेलमा गण्डकी प्रदेशले कोशी प्रदेशलाई २५ रनमा नै अलआउट गरेको हो।
गण्डकीले दिएको १ सय ६८ रनको लक्ष्य पछ्याएको कोशी प्रदेश १५.२ ओभरमा २५ रन बनाउँदा अलआउट भयो।
कोशीका कुनैपनि ब्याटरले दोहोरो अंकको स्कोर छुन सकेनन्। चार ब्याटर शुन्य रनमा आउट हँदा कप्तान अंकित सुवेदीले बनाएको ८ रन नै सर्वाधिक रह्यो।
कोशीलाई सस्तैमा आउट गर्न विपिन खत्री एक्लैले ६ विकेट लिए। ७ ओभर बलिङ गरेका उनले ३ मेडन राख्दै मात्र ४ रन खर्चे।
सन्दीप पराजुलीले ३ विकेट लिए। सन्दीपले ३.२ ओभरमा १ मेडन राख्दै ८ रन दिएका थिए। अंकित न्यौपानेले एक विकेट आफ्नो नाममा गरे।
त्यसअघि माथिल्लो मूलपानी मैदानमा कोशी प्रदेशले टस जितेर फिल्डिङ रोजेपछि ब्याटिङ गरेको गण्डकी ४८.२ ओभरमा १ सय ७६ रन बनाउँदा अलआउट भयो।
गण्डकीका लागि मुस्कान थापाले ६७ रन को पारी खेले। १ सय २२ बलको सामना गरेका मुस्कानले ७ चौका हान्दा अभ्यास तिमिल्सिनाको बलमा बोल्ड भए।
कप्तान विपिन खत्रीले ४२ रन थपे। ७१ बलमा ५ चौका र १ छक्का हानेका विपिन क्याच आउट भए। कमल परियारले १३ रन दिए। अन्य ब्याटरले दोहोरो अंकको स्कोर छुन सकेनन।
गण्डकीलाई रोक्न कोशीका अभ्यास तिमिल्सिनाले ६ विकेट लिएपनि टोलीको हार टार्न सकेनन्। ९.२ ओभरमा २२ रन खर्चेका उनले ३ मेडन राखे।
प्रतिक्रिया