अनिल शाहको आक्रामक ब्याटिङमा मधेस प्रदेशले प्रधानमन्त्री कप एक दिवसीय राष्ट्रिय क्रिकेट प्रतियोगितामा गण्डकी प्रदेशसामु ३ सय ३६ रनको विशाल लक्ष्य प्रस्तुत गरेको छ।
कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको मधेसले निर्धारित ५० ओभरमा ५ विकेटको क्षतिमा ३ सय ३५ रनको विशाल योगफल तयार पारेको हो।
दोस्रो विकेटका लागि अनिल शाह र मयन यादवले १ सय ५ रनको शतकिय साझेदारी गरे।
अनिलले १ सय २७ रनमा क्याच आउट भए। १ सय २५ बलमा ११ चौका र ६ छक्का प्रहार गर्दा कमल परियारको बलमा क्याच आउट हुन पुगे।
अरनिको यादव ६३ र अविशेक तिवारी २७ रनमा नटआउट रहे। पवन सर्राफले ४० र रुपेश सिंहले ३२ रन थपे। मयन यादव २७ रनमा आउट भए।
गण्डकीका लागि सन्देश पराजुलीले २ विकेट लिए। कृष्ण पौडेल र कमल परियारले समान एक विकेट लिए। पौडेल १० ओभर बलिङ गर्दा ११७ रन खर्चिँदै महँगो सावित भए
Shares
प्रतिक्रिया