ओपनर आशुतोष घिरैयाको अर्धशतकमा बागमती प्रदेशले सुदूरपश्चिम प्रदेशसामु २ सय ४८ रनको लक्ष्य प्रस्तुत गरेको छ।
माथिल्लो मूलपानी क्रिकेट मैदानमा सुदुरपश्चिमले टस जितेर फिल्डिङ रोजेपछि ब्याटिङ गरेको बागमतीले निर्धारित ५० ओभरमा ९ विकेटको क्षतिमा २ सय ४७ रनको योगफल तयार पारेको हो।
बागमतीका लागि ओपनर आशुतोषले ५४ रनको महत्वपुर्ण योगदान दिए। उनले ६२ बलमा ६ चौका र ३ छक्का प्रहार गर्ला विकास अग्रीको बलमा क्याच हुन पुगे।
कप्तान रित गौतमले ४४ रन थपे। उनले ६१ बलमा ९ चौका हान्दा मिलन बोहोराको बलमा एलबीडब्लु धरापमा परे।
अशोक पौडेलले ३१ र रविन जोशीले २४ रन बनाए। प्रतिश जिसीले १७ र विपिन आचार्यले १२ रन बनाए। सोनु देवकोटा २८ रनमा नटआउट रहे।
सुदूरका लागि नारायण जोशी र शेर मल्लले समान ३ विकेट लिए। विकास अग्रीले २ तथा मिलन बोहोराले एक विकेट आफ्नो नाममा गरे।
Shares
प्रतिक्रिया