फ्रान्स र रियल मड्रिडका पूर्वरक्षक भरानले घोषणा गरे संन्यास

फ्रान्स र रियल मड्रिडका पूर्वरक्षक रफाइल भरानले बुधबार संन्यास घोषणा गरेका छन्। 

एपीका अनुसार उनले आफ्नो खेल जीवनमा एक विश्वकप र क्लब ट्रफीहरु जितेका छन्। 

३१ वर्षीय भरानले इटलीको सिरि ए क्लब कोमोमा गत जुलाईमा आबद्ध भए पनि घुँडाको चोटका कारण एकपटक मात्रै खेलेका छन्। गत महिना साम्पदोरियासँगको खेलमा उनी चोटग्रस्त बनेका थिए। 

‘मेरो फुटबल करिअरमा मैले धेरै चुनौतीहरु लिएँ, एकपछि अर्को गरी उठ्दै गएँ, जुन सबैजसो लगभग असम्भवजस्तै थियो’, भरानले इन्स्टाग्राममा भनेका छन्, ‘यी सबै क्षणहरु मेरा लागि गौरव र पूर्णताको कुरा हो। म अब सबैले माया गर्ने खेलबाट संन्यास लिँदै छु।’

सन् २०१८ मा रुसमा भएको विश्वकप प्mान्सले जित्दा उनले आफूलाई प्रभावशाली रक्षक प्रमाणित गरेका थिए। उनले मड्रिडलाई चार च्याम्पियन्स लिग जिताउन र तीन स्पेनिस लिग उपाधि जिताउन योगदान गरेका थिए।