प्रधानमन्त्री कप एक दिवसीय राष्ट्रिय पुरुष क्रिकेट प्रतियोगितामा विभागीय त्रिभुवन आर्मीले कर्णाली प्रदेशसामु १ सय ९६ रनको लक्ष्य प्रस्तुत गरेको छ।
काठमाडौंस्थित मूलपानी क्रिकेट मैदानमा टस जितेर पहिले ब्याटिङ गरेको विभागीय आर्मी ४३ दशमलव १ ओभरमा १ सय ९५ रन जोड्दा अलआउट भयो।
आर्मीका अनिल मण्डलले ८९ रनको महत्वपुर्ण योगदान दिएपछि आर्मी फराकिलो योगफल तयार पार्न सफल भएको हो। १ सय १४ बलको सामना गरेका मण्डलले १४ चौका मद्दतमा ८९ रन जोडेका हुन्।
५५ बलको सामना गरेका कप्तान विनोद भण्डारीले १ छक्का र ३ चौका मद्दतमा ४१ रन जोडे। राजेश पुलामीले १६, लोकेश बमले १३ र रोहित पौडेलले ११ रन जोडे।
कर्णाली प्रदेशका दिनेश अधिकारी, राज शाह, दिवान पुनले समान २ विकेट लिए। अनुज चुनारा र युनिस सिंहले एक एक विकेट आफ्नो नाममा गरे।
सुरुका दुई दिन एक–एक खेल भएको पीएम कपमा आजदेखि दुई खेल भएको हो। खेलहरु मुलपानी क्रिकेट मैदान र त्रिवि मैदानमा जारी छ।
प्रतिक्रिया