कोपा अमेरिका २०२१ ब्राजिलमा हुने भएको छ।
यसअघि अर्जेन्टिनामा हुने भनिएको प्रतियोगिता अब ब्राजिलमा गराउने तय भएको दक्षिण अमेरिकी फुटबल महासंघ (कन्मेबल) ले जनाएको छ। अर्जेन्टिनामा कोरोना महामारी बढेपछि प्रतियोगिता ब्राजिलमा गराउने निर्णय गरेको कन्मेबलले बताएको छ।
कोपा अमेरिका १३ जुन देखि ११ जुलाईसम्म हुनेछ। प्रतियोगिता हुने स्टेडियमको बारेमा भने अहिले केही बताइएको छैन। गतवर्ष नै हुनुपर्ने कोपा अमेरिका कोरोना महामारीका कारण एक वर्ष पछि सारिएको थियो।
४७औं पटक कोपा अमेरिका आयोजना गर्न लागेको ब्राजिल दुई वर्षअघिको च्याम्पियनसमेत हो।
प्रतिक्रिया