युनिकोड
पाकिस्तान महिला क्रिकेट टिमकी स्पिनर निदा रसिद डारले अन्तर्राष्ट्रिय टि–ट्वान्टी क्रिकेटमा १ सय विकेटको कोशेढुंगा पार गरेकी छिन्।
३४ वर्षीया निदा डार पाकिस्तानबाट १ सय विकेट लिने पहिलो खेलाडी हुन्।
अन्तर्राष्ट्रिय महिला क्रिकेटमा १ सय विकेट लिने उनी पाँचौँ क्रिकेटर हुन्।
वेष्ट इन्डिजकी ३२ वर्षीया अनिसा मोहम्मदले १ सय २० विकेट लिएकी छन्। सन् २००८ बाट खेलिरहेकी उनले १ सय १२ खेलको १ सय ८ इनिङ्समा १ सय २० विकेट झारेकी छिन्।
सर्वाधिक विकेट लिनेको दोस्रो स्थानमा अष्ट्रेलियाकी एलिस एलेक्जान्ड्रा पेरी छिन्।
उनले १ सय २३ खेलमा १ सय १५ विकेट लिएकी छिन्।
साउथ अफ्रिकाकी शबनिम इस्माइलले १ सय १० विकेट झारेकी छिन्। १ सय २ विकेट लिएकी इङल्याण्डकी अन्या श्रब्सोल सर्वाधिक विकेट लिने खेलाडीको चौथो स्थानमा छिन्।
सन् २०१० देखि अन्तराष्ट्रिय क्रिकेटमा डेब्यु गरेकी निदा डारले १ सय ६ अन्तराष्ट्रिय खेलको १ सय १ इनिङस्मा १ सय १ विकेट झारेकी छिन्।
९४ इनिङस्मा उनले ११ सय ६१ रन बनाएकी छिन्।
रि विवियन रिचर्डस स्टेडियम र्न साउथ एन्टीगुवामा भएको सिरिज अन्तर्गतको पहिलो खेलमा उनले आफ्नो स्पेलमा २ विकेट लिएकी थिइन्।
पाकिस्तानसँगको ३ खेलको टि–ट्वान्टी शृङखलामा घरेलु टोली वेष्ट इन्डिजले १–० को अग्रता लिएको छ। बिहीबार निदा डारले किर्तिमान रचेको खेलमा पाकिस्तान वेष्ट इन्डिजसँग १० रनले पराजित भएको थियो।
वेस्ट इन्डिजले दिएको १ सय ३६ रनको लक्ष्य पछ्याएको पाकिस्तान निर्धारित २० ओभरमा ६ विकेट गुमाएर १ सय २६ रनमा समेटिएको थियो।
प्रतिक्रिया