पहिरोले बन्द नारायणगढ–मुग्लिन सडकखण्ड खुल्यो

पहिरो खसेर बन्द भएको नारायणगढ–मुग्लिन सडकखण्ड खुलेको छ। आज बिहान ८ बजे सडकखण्डको केराबारी र १८ किलोमा पहिरो खसेर अवरुद्ध भएको सडक बिहान ११ः४५ बजेपछि खुलेको हो। 

जिल्ला प्रहरी कार्यालयका प्रहरी नायब उपरीक्षक विजयराज पण्डितका अनुसार दुवै ठाउँमा लेदोसहितको पहिरो खसेको थियो। पहिरो पन्छाएसँगै सडक खुलेको हो। पहिरोका कारण रोकिएका सवारीसाधन गन्तव्यतर्फ लागेका छन्।