युनिकोड
बागमती प्रदेशका मुख्यमन्त्रीका लागि नेपाली कांग्रेस संसदीय दलका नेता बहादुर सिंह लामाले सोमबार दाबी पेस गर्ने भएका छन्।
नेकपा एमालेको समर्थनमा लामाले मुख्यमन्त्रीमा दाबी पेस गर्न लागेका हुन्। बागमती प्रदेशमा रहेको माओवादी नेतृत्वको सरकार ढलेसँगै नयाँ सरकार गठनका लागि प्रदेश प्रमुखको कार्यालयले संविधानको धारा १६८ को २ बमोजिम मुख्यमन्त्रीमा दाबी पेस गर्नका लागि आह्वान गरेका थिए।
सोही अनुसार लामाले सोमबार मुख्यमन्त्रीको दाबी पेस गर्न लागेका हुन्।
सात राजनीतिक दल रहेको बागमती प्रदेशसभामा कांग्रेस सबैभन्दा ठूलो दल हो।
सात राजनीतिक दल रहेको बागमती प्रदेशसभामा नेपाली कांग्रेसको ३७ र नेकपा एमालेको २७ सिट छ।
दुई दल गरेर लामालाई ६४ सांसदको समर्थन जुट्नेछ।
प्रतिक्रिया