भ्रमण वर्षको उद्घाटन कार्यक्रम दशरथ रंगशालामा सुरु

आजदेखि सुरु भएको नेपाल भ्रमण वर्ष २०२० को उद्घाटन समारोह त्रिपुरेश्वरस्थित दशरथ रंगशालामा सुरु भएको छ।

समारोहमा उद्घाटनअघि विभिन्न सांस्कृतिक प्रस्तुतिहरु भइरहेका छन्। समारोहमा उच्चपदस्थ सरकारी अधिकारीहरु, पर्यटन व्यवसायी, संघ/संस्था, कलाकारहरुको उपस्थिति रहेको छ। केहीबेरमै राष्ट्रपति विद्यादेवी भण्डारीले कार्यक्रमको उद्घाटन गर्नेछिन्।

समारोहका लागि विभिन्न देशबाट पर्यटनमन्त्रीहरु चीनका वाङ साओफेङ, भारतका प्रह्लाद सिंह पटेल, मेन्मारको यू ओन माउंग र जमैकाका एडमन्ड ब्राटलट समेत नेपाल आइसकेका छन्।