युनिकोड
संस्कृति, पर्यटन तथा नागरिक उड्डयन मन्त्रालयले नेपाल वायुसेवा निगमको सदस्यमा दुई जना नियुक्त गरेको छ।
मन्त्रालयमा आइतबार बसेको बैठकले फुर्वा ग्याल्जेन शेर्पा र प्रकाश पौडेललाई नियुक्त गरेको हो।
मन्त्रालयका प्रवक्ता तथा सहसचिव रुद्रसिंह तामाङले सञ्चालक समितिमा दुई सदस्य नियुक्त भएको नेपालखबरलाई जानकारी दिए ।
पर्यटनमन्त्री योगेश भट्टराईले मन्त्रीस्तरीय निर्णयबाट शेर्पा र पौडेललाई सञ्चालक समिति सदस्यमा नियुक्त गरेका हुन्।
यसअघि ४ वर्षे कार्यकाल समाप्त भएका सदस्य मुक्ति पाण्डे र निमानुरु शेर्पाको स्थानमा मन्त्रालयले नयाँ सदस्य नियुक्त गरेको मन्त्रालयले जनाएको छ।
नेपाल वायुसेवा निगमको कार्यकारी अध्यक्षमा सुशील घिमिरे छन्।
प्रतिक्रिया