एलजीको तीनवटा नयाँ टिभी बजारमा, मूल्य आठ लाखसम्म पर्ने

एलजी टिभीको नेपालको आधिकारिक बिक्रेता सीजी इलेक्ट्रोनिक्सले तीनवटा नयाँ टिभी सेट नेपाली बजारमा सार्वजनिक गरेको छ। आज मंगलबार सानेपास्थित भिभान्ता होटलमा एक कार्यक्रम गर्दै कम्पनीले एसएम ८१ सिरिज, यूएम ७३÷७६ सिरिज र ओलेड सी ९ सार्वजनिक गरेको हो।

ओलेड टिभी सबैभन्दा नवीन टीभी रहेको कम्पनीले जानकारी गराएको छ। यसको मोटाइ ५.३३ मिलिमिटर रहेको छ। यसको अग्रिम प्रविधिले यसलाई नपत्याउने गरी हलुको र पातलो बनाएको कम्पनीके दाबी छ।

यसको विशेषताहरुले प्रयोगकर्ताले भिन्नै अनुभव दिन्छ र बेग्लै चित्र प्रदान गर्नेछ। यसको नयाँ बनोटले एउटा कलाको प्रदर्शन गरेको छ। टिभीका विशेषताहरुमा एलजी एएल थिन क्यू रहेको छ। यसले गुगल एसिस्टमेन्ट र अमेजन एलेक्सा जस्तो सुविधा दिने कम्पनीको भनाइ छ।

टिभी सार्वजनिक गर्दै सिजी ग्रुपका प्रबन्ध निर्देशक निर्वाण चौधरीले नयाँ प्रविधिको टिभी बजारमा आएको बताए। उनले ओलेड टिभी र एलजीको स्मार्ट रिमोटको प्रयोगले दर्शकहरुलाई नयाँपन दिने जानकारी दिए। नेपाली उपभोक्ताको माग र विश्व प्रविधिअनुसार सिजी अघि बढ्ने उनले प्रष्ट्याए।

यसमा चार हजार सक्रिय एचडीआर पनि रहेकोले दृश्यलाई अनुकूल गर्ने र चित्रको गुणस्तरीयता बढाउने कम्पनीको भनाइ छ। त्यस्तै नानो सेल प्रविधिको एसएम ८१ मा रहेको विस्तृत रंग छनोटले यसको रंग उन्नत गर्ने र हेर्नका लागि फराकिलो कोण रहेको कम्पनीको भनाइ छ।

कम्पनीले भनेको छ, ‘जुन कुनाबाट हेरे पनि यसले दर्शकलाई अझ राम्रो दृश्य दिन्छ।’

यो एकनासको आकारको छ र यसले दृश्यको भिन्न अनुभव र गुणस्तर सुनिश्चित गर्नेछ। एलजीको यूएचडी यूएम ७३/७६ सिरिजको टिभी अझै विशेष तरिकाले बनइएको छ। यसको आइपीएस डिस्प्लेले स्पस्ट र जीवित चित्र प्रदर्शन गर्दछ। फरकिलो कोणबाट यसका विशेषताहरु अनेकौँ रहेका छन्।

टिभीमा गुगल एसिस्टेन्ट, अमेजन एलेक्सा एयर प्ले २ तथा होम किट जडान रहेको कम्पनीले जनाएको छ। आज सार्वजनिक भएको टिभीको अधिकतम मूल्य आठ लाखसम्म भएको र यसको फरक भेरिएन्टमा मूल्यमा पनि फरक रहेको कम्पनीले जनाएको छ।