बलिउड अभिनेता आमिर खानले आफ्ना कोही सहयोगीहरुलाई कोरोना पोजिटिभ देखिएको बताएका छन्।
उनीले कोरोना पोजिटिभ देखिएकाहरुलाई तुरुन्तै क्वारेन्टिनको व्यवस्था गरीएको र घरमा रहेका बाँकी सदस्यहरुको पनि परीक्षण गरिएको र सबैको रिपोर्ट नेगेटिभ आएको बताएका छन्।
अभिनेता खानले बीएमसीले संक्रमितहरुलाई मेडिकल सेवा उपलब्ध गराएको र उनीहरुको राम्रो रेखदेख गरेको समते जानकारी दिए। उनले आफ्नी आमाबाहेक अन्य सबैको कोरोना परीक्षण गरिएको जानकारी दिए।
‘हामी सबेको कोरोना परीक्षण भयो र रिपोर्ट नेगेटिभ आएको छ’, उनले सामाजिक सञ्जल ट्विटरमा लेखेका छन्, ‘अब म आमाको कोरोना परीक्षण गराउँछु, उहाँको मात्रै परीक्षण बाँकी छ।’ उनले आमाको नेगेटिभ रिपोर्टका लागि प्राथना गरिदिन समेत सबैमा आग्रह गरेका छन्।
3
Shares
प्रतिक्रिया