अनुदानको मलमा कालोबजारी गर्नेलाई २० हजार जरिवाना, एउटाको अनुमतिपत्र खारेज

नेपाल सरकारले अनुदानमा उपलब्ध गराएको मल बढी मूल्यमा बिक्रीवितरण गरेका दुई पसललाई कारबाही भएको छ।

पोखराको अमरसिंह चोकमा रहेको अमरसिंह शुलभ कृषि सामग्री पसल र पोखराको शिवालयचोकमा रहेको उपभोक्ता सहकारी संघलाई २०/२० हजार जरिवाना गरिएको छ।

कास्कीका प्रमुख जिल्ला अधिकारी बासुदेव  घिमिरेको अध्यक्षतामा बसेको बैठकले दुवै संस्थालाई  २०/२० हजार रुपैयाँका दरले जरीवाना र  अमरसिंहको कृषि सुलभ पसलमा रहेको २५ बोरा युरिया, ६ बोरा डिएपी र ५ बोरा पोटास जफत गरी साल्ट ट्रेडिङ कर्पोरेसन लिमिटेडमा फिर्ता गरिएको छ।

कार्यक्षेत्र बाहिर ठूलो परिमाणमा मल बिक्री गर्ने उपभोक्ता सहकारी संघ लिमिटेड पोखरा ८ को अनुदानको मल बिक्रेता अनुमति खारेज गरिएको  पोखरा महानगर कृषि महाशाखा मनहर कडरियाले जानकारी दिए।