पाकिस्तानकी यी पूर्वमन्त्री भन्छिन्- रातको समय मेरी छोरीलाई तानेर लगे

पाकिस्तान तहरिक–ए–इन्साफ पार्टीकी पूर्वनेता एवं पूर्वमन्त्री शिरिन मजारीले आफ्नी छोरीलाई राती सादा पोसाकका प्रहरीले अपहरण गरेको आरोप लगाएकी छन्।

उनले ट्विट गर्दै भनेकी छन्, ‘महिला प्रहरी र सादा लुगा लगाएका केही पुरुषले हाम्रो घरको ढोका तोडेर मेरी छोरीलाई लगेका छन्। उनीहरूले हाम्रो सुरक्षा क्यामेरा, ल्यापटप र उनको फोन लगेका छन्। केका लागि आएका हो भनी सोध्दा उनीहरूले इमानलाई तानेर बाहिर लगे।’

मजारीले अगाडि लेखेकी छन्, ‘उनीहरूले पूरै घरको खानतलासी गरे। मेरी छोरी राति लगाउने लुगामा थिइन्, उनले कपडा फेर्छु भन्दा पनि नदिई तानेर लगे। उनीहरूसँग न वारेन्ट थियो, न कुनै कानुनी प्रक्रिया पालना गरे। यो सरकारको तानाशाही हो। स्मरण रहोस्, घरमा हामी दुई महिला मात्र बस्छौँ। यो एक प्रकारको अपहरण नै हो।’

पाकिस्तानका पूर्वप्रधानमन्त्री इमरान खानलाई पक्राउ गरेपछि मे ९ मा त्यहाँ हिंसा भड्किएको थियो। 

यो हिंसापछि शिरिन मजारीले पार्टी र राजनीति दुवै छाडिन्। हिंसापछि उनी पटकपटक पक्राउ परेकी छन् ।

Just now police women, plainclothes people and r ager types took my daughter away after braking down our front door. Taking away our security cameras and her laptop and cell. We asked who they had xome for and they just dragged Imaan out. They marched all over the house. My…

— Shireen Mazari (@ShireenMazari1) August 19, 2023