युनिकोड
कोरोना भाइरस संक्रमणको कुशल व्यवस्थापनको माग राख्दै प्रधानमन्त्री निवास बालुवाटार पुगेका युवाहरुलाई प्रहरीले पक्राउ गरेको छ।
'इनफ इज इनफ' अभियानमार्फत बालुवाटार क्षेत्रमा पुगेका युवाहरुलाई प्रहरीले पक्राउ गरेको अभियानकर्ता पुकार बमले बताए।
उनले प्रदर्शनमा जाने क्रममा बाटोबाट नै प्रहरीले रन्जु दर्शना, आलोक सुवेदी, शशीबिक्रम कार्की, वृतान्त खनाल, सुदन गुरुङ लगायतलाई प्रहरीले पक्राउ गरिएको जानकारी दिए।
यस्तै आन्दोलनमा ऐक्यवद्धता जनाउँन पुगेका विधार्थी नेता हेमराज थापालाई पनि प्रहरीले पक्राउ गरेको छ।
इनफ इज इनफ अभियानमार्फत युवाहरुले कोरोना भाइरसको कुशल व्यवस्थापनको माग राख्दै विगत १२ दिनदेखि बसन्तपुरमा अनसनसमेत गरिरहेका छन्।
प्रतिक्रिया