युनिकोड
प्रधानमन्त्री शेरबहादुर देउवाले शुक्रबार दिउँसो ३ बजे राष्ट्रका नाममा गर्ने भनिएको सम्बोधन एक घण्टा बित्दा पनि सुरु भएन।
प्रधानमन्त्रीका प्रेस विज्ञ गोविन्द परियारले दिउँसो ३ बजे देशवासीलाई सम्बोधन हुने बताएका थिए।
तर दिउँसो ३ बजे हुने भनिएको सम्बोधन ४ बज्न लाग्दा पनि सुरु हुन सकेको छैन।
प्रधानमन्त्रीको सम्बोधन नेपाल टेलिभिजनले प्रत्यक्ष प्रसारण गर्ने तयारी छ।
प्रधानमन्त्रीले आफ्नो सरकारको ६ महिना पूरा भएको अवसरमा सम्बोधन गर्न लागेका हुन्।
उनले देश कोरोना महामारीको चपेटामा परिरहेको र स्थानीय तथा संघीय निर्वाचनबारे छलफल चलिरहेका बेला सम्बोधन गर्न लागेका हुन्।
प्रधानमन्त्रीको सम्बोधन ढिला भएपछि आजै अपराह्न ४ बजे बस्ने भनिएको गठबन्धन बैठक ५ बजेका लागि धकेलिएको छ।
प्रतिक्रिया