राजपुर बम काण्डका मुख्य अभियुक्त नेपाली कांग्रेसका निलम्बित सांसद अफताव आलमलाई शनिबार काठमाडौं ल्याइने भएको छ। प्रहरी स्रोतका अनुसार उनलाई ‘सुरक्षाका कारण’ काठमाडौं ल्याउन लागिएको हो।
आलम आज गौर कारबासमा बस्नेछन। भोलि डिल्लीबजार सदरखोर कारागार ल्याइने प्रहरीले जनाएको छ।
उनलाई रौतहट जिल्ला अदालतले शुक्रबार पूर्पक्षका लागि थुनामा राख्न आदेश दिएको हो।
आलमसहित ११ जना विरुद्ध बम बिस्फोटमा घाईते भएकाहरुलाई घटना लुकाउन ईट्टा भट्टीमा जिँउदै जलाएर हत्या गरेको आरोपमा मुद्दा चलिरहेको छ।
रौतहट जिल्ला अदालतका न्यायाधीश दीपक ढकालको इजलासमा चारदिन लामो थुनछेक बहसपछि शुक्रबार पछि ठहरेबमोजिम हुनेगरि पूर्पक्षका लागि थुनामा राख्ने आदेश दिएको हो।
प्रतिक्रिया