युनिकोड
नेकपा एमालेको बुटवलमा जारी लुम्बिनी प्रदेश अधिवेशनमा अध्यक्ष पदका उम्मेदवार हरि रिजालको सदस्यता नभएको भन्दै परेको उजुरी गलत सावित भएको छ।
प्युठानको नौबहिनी गाउँपालिका-६ का रिजालको लुम्बिनी प्रदेशमा संगठित सदस्यता नै नरहेकाले उम्मेदवारी खारेज गर्न मागसहित पाल्पाका राजु श्रेष्ठले निर्वाचन आयोगमा उजुरी दर्ता गराएका थिए।
तर,रिजालको १७२५ नम्बरको संगठित सदस्यता प्युठानको नौबहिनी गाउँपालिका ६ मा कायम रहेको पाइएको छ।
आर्थिक वर्ष २०७९/८० को नवीकरण रेकर्डमा उनको सदस्यता नवीकरण प्युठानको नौबहिनी गाउँपालिका ६ बाट भएको उल्लेख छ।
रिजालको सदस्यता प्यूठानको नौबहिनी गाउँपालिका-६ मै रहेको विवरण एमाले प्युठानका अध्यक्ष विजयविराज विष्टले निर्वाचन आयोगमा प्रमाणीकणसहित गरेका छन्।
प्रतिक्रिया