युनिकोड
पूर्व सभामुख कृष्णबहादुर महराले थुनामुक्त भएपछि सबैलाई धन्यवाद दिएका छन्। आफूमाथि गलत आरोप लगाइएको र अदालतको आदेशबाट आफू निर्दोष सावित भएको भन्दै महराले ‘३० दिन प्रहरी हिरासत र १०३ दिन डिल्लीबजार कारागारमा बसी तथाकथित आरोप खेपेको’ बताएका छन्।
दाङ क्षेत्र नं २ बाट प्रतिनिधि सभामा निर्वाचित उनले सोही हैसियतमा विज्ञप्ति प्रकाशित गरी भनेका छन् ‘एक देशभक्त नेपालीका रुपमा मुलुकको स्वाधीनताको रक्षा मेरो पहिलो र उच्च प्राथमिकतामा सधैं थियो, अहिले पनि छ र सदैव रहिरहनेछ।’
बलात्कार प्रयास गरेको आरोपमा गत असोज १९ गते पक्राउ परेका महराको सांसद पद निलम्बनमा थियो। सोमबार थुनामुक्त भएका महराले सांसदकै हैसियतमा विज्ञप्ति निकालेर आभार प्रकट गरेका हुन्।
प्रतिक्रिया