युनिकोड
बुधबार पाँच राफेल युद्धक विमानहरु हरियाणाको अम्बला एयर बेसमा अवतरण गरेको भारतीय संचारमाध्यमले जनाएका छन्।
यी विमानहरु फ्रान्सबाट ७ हजार किलोमिटर पार गर्दै भारत आइपुगेका हुन्।
राफेल युद्धक बिमानहरु भारतमा अवतरण गरेसँगै भारतका रक्षामन्त्री राजनाथ सिंहले चीनलाई इंगित गर्दै ट्वीट गरेका छन्।
जहाँ उनले भारतको क्षेत्रीय अखण्डतामा धावा बोल्नेहरु अब गम्भीर बन्नुपर्ने बताएका छन्।
राजनाथले ट्वीटमा भनेका छन्,‘भारतीय हवाई सेनाको नयाँ क्षमतासँग कोही चिन्तित र गम्भीर बन्नुपर्ने छ भने त्यो ती हुन् जसले भारतको क्षेत्रीय अखण्डतालाई चुनौती दिन चाहन्छन्।’
I would like to add, if it is anyone who should be worried about or critical about this new capability of the Indian Air Force, it should be those who want to threaten our territorial integrity.
— Rajnath Singh (@rajnathsingh) July 29, 2020भारत र चीनबीच हाल सीमाको विषयलाई लिएर विवाद बढेको छ। गत जुन १५ मा लद्दाख नजिकको विवादित क्षेत्र गलवान उपत्यकामा चिनियाँ र भारतीय सेनाबीच झडप हुँदा २० भारतीय सेनाको मृत्यु भएको थियो।
दुवै देशले एक–अर्कालाई आफ्नो सिमाना मिचेका कारण झडप भएको प्रतिक्रिया दिएका थिए। दुवै देशले क्षेत्रीय अखण्डता रक्षा गर्न जस्तोसुकै कदम चाल्ने बताउँदै आएका छन्।
भारतले सन् २०१६ मा फ्रान्सलाई ३६ वटा राफेल युद्धक विमान बनाउन भनेको थियो।
चीनसँगको सीमा विवाद जारी रहँदा हाले भारतले फ्रान्सबाट खरिद गरेका राफेल युद्धक विमानहरु भारत आइपुगेका हुन्।
भारतले फ्रान्सबाट सबै विमानहरु सन् २०२१ सम्ममा प्राप्त गरिसक्नेछ।
यो पनिः भारतको राफेल र चीनको जे–ट्वान्टीमध्ये कुन युद्धक विमान शक्तिशाली?
प्रतिक्रिया