भारतमा बस दुर्घटना, ४५ जनाको मृत्यु

भारतमा बस दुर्घटना हुँदा ४५ जनाको मृत्यु भएको छ। अन्य १५ जना घाइते भएका छन्।

मृत्यु हुनेमा महिला तथा बालबालिका समेत रहेका छन्।

बिहीबार हिमान्चल प्रदेशस्थित कुल्लु जिल्लामा ६० जना सवार बस दुर्घटनामा परेको हो।

उक्त बस पहाडको बाटोबाट ३ सय मिटर तल खोलामा खसेको जनाइएको छ।

भारतीय प्रधानमन्त्री नरेन्द्र मोदीले घटना दुखदायी भएको बताउँदै मृतकको परिवारलाई संयम रहन आग्रह गरेका छन्।