युनिकोड
हाल देशमा पश्चिमी वायुको हल्का प्रभाव रहेको मौसम पूर्वानुमान महाशाखाले जनाएको छ। महाशाखाका अनुसार यतिबेला (मंगलबार) सुदूरपश्चिम र कर्णाली प्रदेशलगायत पहाडी भेगमा आंशिकदेखि सामान्य बदली रही बाँकी स्थानमा मौसम सामान्यतया सफा छ।
महाशाखाले जारी गरेको बुलेटिनअनुसार मंसिर १ गते रातिसम्म देशका केही स्थानमा वर्षा र हिमपात हुने सम्भावना छन्।
हेर्नुहोस् ३ दिनसम्मको मौसम अनुमान गरिएको यो बुलेटिन -
कार्तिक २९ गते
दिउँसो : देशको पहाडी भूभागमा आंशिकदेखि सामान्य बदली रही बाँकी भूभागमा मौसम सामान्यतया सफा रहनेछ। प्रदेश १, गण्डकी प्रदेश र कर्णाली प्रदेशका पहाडी भूभागका एक वा दुई स्थानमा हल्का वर्षाको सम्भावना छ भने देशको कर्णाली प्रदेशको हिमाली भूभागका थोरै स्थानमा र बाँकी हिमाली भूभागका एक वा दुई स्थानमा हल्का हिमपातको सम्भावना छ।
राति : देशको पहाडी भूभागमा आंशिक बदली रही बाँकी भूभागमा मौसम सामान्यतया सफा रहनेछ। प्रदेश १ र गण्डकी प्रदेशका पहाडी भूभागका एक वा दुई स्थानमा हल्का वर्षाको सम्भावना छ। सुदूरपश्चिम ,कर्णाली, गण्डकी र प्रदेश १ का हिमाली भूभागका एक वा दुई स्थानमा हल्का हिमपातको सम्भावना छ।
कार्तिक ३० गते
दिउँसो : देशको पहाडी भूभागमा आंशिक बदली रही बाँकी भूभागमा मौसम सामान्यतया सफा रहनेछ। प्रदेश १, गण्डकी प्रदेश र कर्णाली प्रदेशका पहाडी भूभागका एक वा दुई स्थानमा हल्का वर्षा र हिमाली भूभागका एक वा दुई स्थान हल्का हिमपातको सम्भावना छ।
राति : देशको पहाडी भूभागमा आंशिक बदली रही बाँकी भूभागमा मौसम सामान्यतया सफा रहनेछ। प्रदेश १, गण्डकी प्रदेश र कर्णाली प्रदेशका हिमाली भूभागका एक वा दुई स्थानमा हल्का हिमपातको सम्भावना छ।
मंसिर ०१ गते
दिउँसो : प्रदेश १, बागमती र गण्डकी प्रदेशका पहाडी भूभागमा आंशिक बदली रही बाँकी भूभागमा आंशिक बदलीदेखि मौसम सामान्यतया सफा रहनेछ। प्रदेश १, बागमती र गण्डकी प्रदेशका पहाडी भूभागका एक वा दुई स्थानमा हल्का वर्षा र हिमाली भूभागका एक वा दुई स्थान हल्का हिमपातको सम्भावना छ।
राति : प्रदेश १, बागमती र गण्डकी प्रदेशका पहाडी भूभागमा आंशिक बदली रही बाँकी भूभागमा मौसम सामान्यतया सफा रहनेछ। प्रदेश १, बागमती र गण्डकी प्रदेशका हिमाली भूभागका एक वा दुई स्थान हल्का हिमपातको सम्भावना छ।
तापक्रम विवरण
मौसम पूर्वानुमान महाशाखाकी मौसमविद् सजिना शाक्यका अनुसार आज बिहान ५:४५ बजे गरिएको मापनमा काठमाडौं उपत्यकाको न्यूनतम तापक्रम ९.६ डिग्री सेल्सियस छ। अहिले बिहान ८:४५ बजे तापक्रम अपडेट गरिनेछ। त्यतिबेला महाशाखाले देशका अन्य स्थानका न्यूनतम तापक्रमको विवरण पनि प्रकाशन गर्नेछ।
हिजो सोमबारको मापनअनुसार भने देशका विभिन्न स्थानका अधिकतम तथा न्यूनतम तापक्रमको विवरण यस्तो छ :
महाशाखाले आगामी २४ घण्टा (बुधबार बिहान ६ बजेसम्म) का लागि चेतावनी तथा परामर्श पनि जारी गरेको छ।
जसमा भनिएको छ : प्रदेश १, गण्डकी प्रदेश र कर्णाली प्रदेशका पहाडी भूभागका एक वा दुई स्थानमा हल्का वर्षाको सम्भावनाका साथै कर्णाली प्रदेशको हिमाली भूभागका थोरै स्थानमा र बाँकी हिमाली भूभागका एक वा दुई स्थानमा हल्का हिमपातको सम्भावना रहेकाले पर्वतारोहण र पदयात्रा गर्दा सतर्कता अपनाउन हुन अनुरोध छ। साथै तापक्रम क्रमिक रूपमा घट्दै जाने सम्भावना रहेको हुनाले चिसोबाट बच्न आवश्यक सावधानी अपनाउन हुन अनुरोध छ।
प्रतिक्रिया