आज (शुक्रबार) बिहानैदेखि तराई हुस्सु/कुहिरोले ढोकेको छ।
मौसम पूर्वानुमान महाशाखाकी मौसमविद् शान्ति कँडेलका अनुसार पूर्वदेखि पश्चिमसम्मै तराई–मधेश हुस्सु/कुहिरोले ढाकेको हो।
‘सिमरादेखि पश्चिमका हुस्सु/कुहिरो दिनभर बस्ने सम्भावना छ’, मौसमविद् कँडेलले शुक्रबार बिहान नेपालखबरसँग भनिन्, ‘पूर्वतर्फका चाहिँ घामसँगै हट्न सक्छ।’
हुस्सु/कुहिरोसहित शीतलहरले गर्र्दा तराईको जनजीवन कष्टकर भएको छ। अत्यधिक चिसोकै कारण त्यहाँका धेरैजसो शैक्षिक संस्था बन्द गरिएका छन्।
मौसम महाशाखाले आगामी २४ घण्टाका लागि चेतावनी तथा परामर्श जारी गर्दै भनेको छ: तराईका धेरै भूभागहरूमा बाक्लो हुस्सु/कुहिरो लाग्ने र दैनिक जनजीवन र सडक तथा हवाई यातायातमा प्रभाव पर्ने सम्भावना रहेकाले आवश्यक सावधानी तथा सतर्कता अपनाउन हुन अनुरोध छ।’
वर्षा र हिमपातको भने आज कतै सम्भावना नरहेको मौसम महाशाखाले जनाएको छ।
तापक्रम
आज काठमाडौँ उपत्यकाको न्यूनतम तापक्रम ३.५ डिग्री सेल्सियस देखिएको मौसमविद् कँडेलले जानकारी दिइन्। यो बिहान ५:४५ बजेको मापन हो। आजको आधिकारिक न्यूनतम तापक्रम भने अहिले बिहान ८:४५ बजे पुनः लिइनेछ। त्यसबेलका देशका अन्य स्थानका न्यूनतम तापक्रम पनि महाशाखाले सार्वजनिक गर्नेछ।
Shares
प्रतिक्रिया