युनिकोड
संघीय प्रहरी इकाइ कार्यालय काभ्रे (बागमती)को गाडी काभ्रेपलाञ्चोकको पनौतीमा दुर्घटना हुँदा आठ जना प्रहरी घाइते भएका छन्। घाइतेमध्ये एक जनाको अवस्था गम्भीर रहेको छ।
काभ्रेपलाञ्चोकको मण्डन देउपुर नगरपालिकाको खड्गो भन्ने स्थानमा दुर्घटना भएको हो। घाइतेहरुको धुलिखेल अस्पतालमा उपचार भइरहेको छ।
प्रहरीले दिएको जानकारीअनुसार बुधबार बिहान मोटरसाइकल दुर्घटनामा मृत्यु भएका एक स्थानीय युवाको विषयलाई लिएर विवाद बढेपछि थप मद्दतका लागि २१ जनाको टोली काभ्रेबाट गएको थियो।
गम्भीर घाइते भएका प्रहरी हवल्दार बलराम तामाङको अवस्था चिन्ताजनक रहेको छ। उनलाइ धुलिखेल अस्पतालले थप उपचारका लागि काठमाडौं ‘रिफर’ गरेको छ।
प्रतिक्रिया