युनिकोड
हालसम्म उक्त आगलागीमा २५ जनाको मृत्यु भएको छ भने २५ सय घर जलेर नष्ट भएका छन्।
अस्ट्रेलियाका विभिन्न राज्यमा आगलागी जारी रहँदा आइतबार न्यु साउथ वेल्सको सिड्नी र मेलबर्नमा पानी परेको छ।
पानी परेपछि आगलागीको चपेटामा परेको मानिसहरु खुशी भएका छन्। यसले केही राहत मिलेको महशुस भएको छ।
त्यहाँका नागरिकहरुले सामाजिक सन्जालमा भिडियो तथा फोटो पोस्ट गर्दै खुशी व्यक्त गरेका छन्। पाँच महिनामा पहिलोपटक पानी परेको जनाइएको छ।
यद्यपी उक्त झरीले अस्ट्रेलियाको आगलागी टार्न नसक्ने बताइएको छ।
आगलागी अस्ट्रेलियाको प्राय सबै राज्यमा जारी छ। पानी सिमित क्षेत्रमा परेकाले यसले आगलागीलाई असर नगरेको अन्तर्राष्ट्रिय संचारमाध्यमले जनाएका छन्।
IT RAINED IN AUSTRALIA!!! AFTER HAVING NO RAIN FOR 5 MONTHS WE FINALLY HAVE IT??pic.twitter.com/SGZzz8SFwy
— Corbin Williams (@corbinwilliams) January 5, 2020
युनिभर्सिटी अफ सिड्नीको अनुसन्धानअनुसार आगलागीले जनावर, चरा चुरुंगी, मुसा लगायतसहित ५० करोड जीवको मृत्यु भइसकेको छ। केही जनावर लोप हुने खतरा बढेको छ।
आगलागीले त्यहाँ निकै गर्मी भएको छ। तापक्रम ४५ डिग्रीभन्दा बढी भएको छ भने आकाश रातो देखिएको छ।
अन्तर्राष्ट्रिय स्तरबाट अस्ट्रेलियाको आगो निभाउने पहल स्वरुप सहयोग रकम संकलन गर्ने कार्य पनि भइरहेको छ।
आगलागीलाई नियन्त्रणमा लिन सयौं अग्नी नियन्त्रकसहित अस्ट्रेलियाका सेना पनि खटेका छन्। एजेन्सी
प्रतिक्रिया