इराकमा तैनाथ शान्ति सेनालाई सतर्क रहन नेपाली सेनाको निर्देशन

नेपाली सेनाले इराकमा तैनाथ रहेका आफ्ना शान्ति सेनालाई उच्च सुरक्षा सर्तकताका साथ रहन निर्देशन दिएको छ।

संयुक्त राष्ट्र संघको सहयोग मिसन अन्तर्गत नेपाली सेनाको गार्ड युनिट इराकको किरकुक र इरबिलमा खटिएको छ। सेनाको मिसन मुख्यालय र शान्ति सेना सञ्चालन निर्देशनालयको निरन्तर सम्पर्कमा रहन सेनाले निर्देशन दिएको हो।

सैनिक जनसम्पर्क तथा सूचना निर्देशनालयले बिहीबार जारी गरेको विज्ञप्तिमा लेबनान र सिरियामा तैनाथ रहेका युनिटहरुलाई समेत उच्च सुरक्षा सर्तकता अपनाउन भनिएको छ।