पूर्व उप्रधानमन्त्री समेत रहेका एमाले सचिव टोपबहादुर रायमाझीलाई पक्राउ गर्न सबै जिल्ला प्रहरी कार्यालयमा सर्कुलर गरिएको छ। भुटानी शरणार्थी बनाएर नेपालीलाई अमेरिका पठाइदिने भन्दै ठगी गरेको आरोपमा टोपबहादुरविरुद्ध पनि पक्राउ पुर्जी जारी भएको छ।
तर गत बुधबारदेखि रायमाझी फरार भएका छन्। प्रहरीलाई आफैं आउँछु भन्दै ढाँटेर भागेका रायमाझीलाई पक्राउ गर्न जिल्ला प्रहरी परिसर काठमाडौंको अनुरोधमा प्रहरी प्रधान कार्यालयलले सबै जिल्लामा सर्कुलर गरेको हो।
प्रहरी प्रवक्ता कुवेर कडायतले फरार व्यक्ति पक्राउ गर्न यसरी सर्कुलर गर्नु नियमित प्रक्रिया भएको बताए। गत बुधबार पक्राउ पुर्जी जारी भएपछि रायमाझीले काठमाडौं पुगेर अनुसन्धानमा सहयोग गर्ने प्रतिक्रिया दिएका थिए।
तर त्यसै साँझदेखि उनी मोबाइल बन्द गरेर भागेका हुन्। प्रहरी महानिरीक्षक वशन्त कुंवरलाई नै फोन गरेर आफैं उपस्थित हुने बताएपछि उनलाई पक्राउ गर्न खटिएको प्रहरी पनि फिर्ता भएको थियो।
काठमाठौं प्रहरी परिसरले रायमाझीलाई बुटवलबाटै पक्राउ गर्ने तयारी गरेको थियो। तर काठमाडौं ओर्लिनासाथ पक्राउ गर्ने बुझेपछि रायमाझी साँझबाट सम्पर्कबिहिन भएका थिए। उनका छोरा सन्दीपलाई भने प्रहरीले बुटवलबाट त्यसैदिन पक्राउ गरेको थियो।
भोलिपल्ट उपस्थित हुने भनेका रायमाझीले भने ढाँटेपछि प्रहरी दबाबमा परेको हो।
भारत भागेको प्रहरीको आशंका
फरार भएका रायमाझी भारत भागेको प्रहरीको आशंका छ। उनी बुुटवलबाट त्यसै बेलुकी भारततर्फ भागेको आशंका प्रहरीले गरेको छ।
भारतको भागेको आशंकामा रायमाझीलाई पक्राउ गर्न प्रहरीको केन्द्रीय अनुसन्धान ब्यूरोलाई समेत निर्देशन दिइसकिएको गृह मन्त्रालय श्रोतले जनाएको छ।
‘अनुसन्धानका क्रममा उनी उतैबाट भारत भागेको देखिएको छ, पक्राउ गर्न सीआईबीलाई पनि भनिएको छ’, गृह स्रोतले सोमबार दिउँसो नेपालखबरसँग भन्यो।
उनका छोरा सन्दीपसहित ८ जनालाई प्रहरीले पक्राउ गरिसकेको छ। पूर्व गृहमन्त्री रामबहादुर थापाका सुरक्षा सल्लाहकार इन्द्रजित राई, पूर्व गृहसचिव टेकनारायण पाण्डे, केशव दुलाल, सानु भण्डारी, सन्देश शर्मा, सागर राई, टंक गुरुङ पनि थुनामा छन्।
अन्य केही फरारको खोजि भइरहेको प्रहरीले जनाएको छ।
- एमाले सचिव टोपबहादुर रायमाझी र छोराविरुद्ध पक्राउ पुर्जी
- अर्घाखाँचीबाट काठमाडौं जान्छु भनी हिँडेका सांसद टोपबहादुर सम्पर्कविहीन
- भैरहवा नपुग्दै सम्पर्कविहीन टोपबहादुर कहाँ गए?
- छोरो रुँदै हिरासत पस्दा आफू जोगिन पावर लगाउँदै टोपबहादुर
- टोपबहादुरबारे छानबिनमा एमालेले सहयोग गर्छ : महेश बस्नेत
- एमालेलाई माओवादी सांसदको सुझाव- टोपबहादुरलाई कानुनी दायरामा ल्याउनुमा नै कल्याण छ
- टोपबहादुर मेरो सम्पर्कमा छैनन् : ओली
- टोपबहादुर पक्रन गएका प्रहरीलाई आईजीपीले नै फिर्ता बोलाएका थिए
- भुटानी शरणार्थी बनाएर अमेरिका लाने भन्दै ठगी, थप १० जनाले दिए उजुरी
- नक्कली शरणार्थी अमेरिका जान लाग्दा नेपालमै बस्न चाहन्छन् सक्कली भुटानी
- भुटानी शरणार्थी प्रकरण जघन्य अपराध हो, संलग्नलाई सजाय होस् : कांग्रेस
- नक्कली भुटानी शरणार्थी प्रकरणबारे संसदमा मागियो सरकारको जवाफ
- भुटानी शरणार्थी प्रकरणमा दोषी ठहर भए राजनीति त्याग्छु : रामहरि खतिवडा
- भुटानी शरणार्थी प्रकरणमा दबाब दिएर केही हुनेवाला छैन : प्रधानमन्त्री प्रचण्ड
Shares
प्रतिक्रिया