युनिकोड
आफ्नै श्रीमतीलाई छुरा प्रहार गरी हत्या गरेको आरोपमा पर्सामा एक व्यक्ति पक्राउ परेका छन्।
पक्राउ पर्नेमा वीरगञ्ज महानगरपालिका –१४ बहुअरी बस्ने फजल करिम मियाँको छोरा वर्ष ४५ को एजहारूलहक अंसारी छन्।
उनले आफ्नै कान्छी श्रीमती वर्ष २८ की महिमा खातुनलाई घरायसी विवादका कारण कुटपिट तथा धारिलो चक्कुले छाती तथा पेटमा प्रहार गरेको प्रहरीले जनाएको छ।
गम्भीर घाइते भई अचेत अवस्थामा रहेकी उनको वीरगञ्ज हेल्थ केयर अस्पताल वीरगञ्जमा उपचारकै क्रममा मृत्यु भएको थियो।
अभियुक्त एजहारूलहक अन्सारीको दुई वटा श्रीमती रहेको र कान्छी श्रीमती महिमा खातुनलाई घरायसी विवादका कारण ससुरा वर्ष ६५ को फजल करिम मियाँ, सासु आमा वर्ष ६३ की सरिफन खातुन र सौता वर्ष ३८ की नुरजहान खातुन समेतले कुटपिट गरेको र सोही क्रममा अभियुक्त एजहारूलहक अन्सारीले धारिलो हतियार छुरा प्रहार गरेको अनुसन्धानका क्रममा खुलेको छ।
घटनामा संलग्न रहेको आरोपमा प्रहरीले सौता नुरजहान खातुन (३८ वर्ष) लाई समेत पक्राउ गरी अनुसन्धान भइरहेको जनाएको छ।
प्रतिक्रिया