ad ad

समाज


भ्रष्टाचार मुद्दामा पक्राउ परे सुनिल पौडेल र विकल पौडेल

सेक्युरिटी प्रिन्टिङ र पेमेन्ट गेट वे प्रकरणमा हुँदैछ अनुसन्धान
भ्रष्टाचार मुद्दामा पक्राउ परे सुनिल पौडेल र विकल पौडेल

फाइल तस्बिर


नेपालखबर
माघ १०, २०८० बुधबार १६:५, काठमाडौँ

अख्तियार दुरुपयोग अनुसन्धान आयोगले नेपाल टेलिकमका पूर्वप्रबन्ध निर्देशक सुनिल पौडेल र सुरक्षण मुद्रण केन्द्रका पूर्वकार्यकारी निर्देशक विकल पौडेललाई भ्रष्टाचार मुद्दामा पक्राउ गरेको छ।

अख्तियारले दुवैजनालाई बुधबार उनीहरूको निवासबाटै पक्राउ गरेर हिरासतमा लिएको हो। उनीहरू दुवैजनाविरुद्ध गैरकानुनी सम्पत्ति आर्जनको मुद्दामा अनुसन्धान भइरहेको छ।

भ्रष्टाचारसम्बन्धी मुद्दाको अनुसन्धानका लागि बयानमा बोलाउँदा दुवैजनाले अख्तियारमा उपस्थित हुन अटेरी गरेको एक अधिकारीले बताए।

त्यसपछि उनीहरू दुवैजनाको निवासमा पुगेर छापा हानेको अख्तियारले पक्राउ गरी हिरासतमा लिएको हो। उनीहरूविरुद्ध अख्तियारले यसअघि नै भ्रष्टाचार मुद्दा चलाइसकेको छ। 

भ्रष्टाचार मुद्दामा तानिएका दुवैजनाविरुद्ध गैरकानुनी सम्पत्ति आर्जनबारे अर्को उजुरी दर्ता भएको थियो। तर उक्त उजुरीबारे बयानमा बोलाउँदा दुवैले अटेरी गरेर बसेपछि पक्राउ गर्नुपरेको अख्तियार स्रोतले जनाएको छ। 

पक्राउ परेका दुवैजनालाई भ्रष्टाचारसम्बन्धी मुद्दामा विशेष अदालतमा उपस्थित गराउने तयारी अख्तियारले गरेको छ। 

अख्तियारले सुनिल पौडेलसहितविरुद्ध  २०८० असोज १५ गते २३ करोड २७ लाख ५८ हजार रुपैयाँ बिगो मागदाबीसहित विशेष अदालतमा मुद्दा चलाएको थियो।

त्यसबेला अख्तियारले राष्ट्रिय सूचना प्रविधि केन्द्रका तत्कालीन अध्यक्ष सञ्जय शर्मा, तत्कालीन कार्यकारी निर्देशक प्रणिता उपाध्याय, केन्द्रका उप–निर्देशक सफल श्रेष्ठ, तत्कालीन सहायक निर्देशक रमेश पोखरेल र तत्कालीन लेखा अधिकृतहरू निमबहादुर वली र रामबहादुर बुढाविरुद्ध पनि मुद्दा चलाएको थियो।

अख्तियारले कम्प्युटर इन्जिनियर रामशरण गायक, अर्थ मन्त्रालयका बजेट महाशाखा प्रमुख मधु मरासिनीविरुद्ध पनि मुद्दा दायर गरेको थियो।

उता विकल पौडेलविरुद्ध ७० करोड रुपैँया विगो मागदाबीसहित अख्तियारले गत वैशाखमा भ्रष्टाचार मुद्दा चलाएको थियो।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .