प्रदेश २ मा लकडाउनको अवज्ञा गर्ने ४३ जनालाई प्रहरीले पक्राउ गरेको छ।
यस्तै, लकडाउनको बेला चलाइएका ४ सय २४ सवारीसाधन प्रहरीले नियन्त्रणमा लिएको छ।
लकडाउनको दोश्रो दिन बुधबार बिहानदेखि साँझ ६ बजेसम्म प्रदेश २ को आठवटै जिल्लाबाट ४३ जना व्यक्तिलाई नियन्त्रणमा लिएको प्रदेश २ प्रहरी कार्यालयका प्रवक्ता जयराज सापकोटाले जानकारी दिए।
पक्राउ पर्नेमा सबभन्दा बढी धनुषामा लकडाउन अवज्ञा गर्ने २६ जना रहेका छन्।
उनका अनुसार पर्साबाट ३६ सवारीसाधन, बाराबाट १३ मानिस र सवारीसाधन ९४ वटा, रौतहटबाट मानिस ३ जना र सवारीसधान १ सय १७ वटा, महोत्तरीबाट मानिस १ र सवारीसधान ९५ वटा, धनुषाबाट मानिस २१ जना र सवारीसधान ७६ वटा, सिरहाबाट मात्र ६ वटा सवारीसाधन नियन्त्रणमा लिइएको छ।
पक्राउ मानिसहरुलाई बेलुका सम्झाई बुझाई छाडिएको र सवारीसाधन लकडाउन अवधिभित्र नियन्त्रणमा नै रहने प्रदेश प्रहरी कार्यालयले जनाएको छ।
प्रतिक्रिया