७० कटेका ब्रिटेनका राजकुमारलाई पनि भेट्यो कोरोना भाइरसले, कस्तो छ अवस्था?

ब्रिटेनका राजकुमार चार्ल्सलाई पनि कोरोनाभाइरस संक्रमण भएको छ।

७१ वर्षीय राजकुमार चार्ल्सलाई कारोना भाइरस संक्रमण भएको पुष्टि उनको औपचारिक निवास क्ल्यारन्स हाउसले गरेको हो।

तर उनकी पत्नी ७२ वर्षीया डचिस कोर्न्वलमा भने कोरोना भाइरस नपाइएको बीबीसीले जनाएको छ।

राजमकुमार चार्ल्सलाई मध्यम खालका लक्षण देखिएको तर उनको स्वास्थ्यावस्था राम्रो भएको उनका प्रवक्ताले बताएका छन्।

चार्ल्स र कमिल दुवै जना अहिले स्कटल्यान्डस्थित ब्यालमरलमा अरूबाट अलग्गिएर एकान्तवासमा रहेको क्ल्यारन्स हाउसले जानकारी दिएको छ।

केही हप्तायता उनी धेरै सार्वजनिक कार्यक्रममा सहभागी भएका थिए तर कसबाट उनमा कोरोना भाइरस सर्‍याे, पत्ता लगाउन गाह्रो भएको क्ल्यारन्स हाउसले जारी गरेको विज्ञप्तिमा उल्लेख छ।